Ако сакаме да имаме 400.000 нови граѓани секоја година и со тоа да го одржиме бројот на работници, а ако го одземеме огромниот број на оние што емигрираат – тогаш на Германија и требаат 1,5 милиони имигранти годишно“, вели економистката Моника Шницер.
Само зголемената имиграција може биде лек за проблемот со недостигот од сила на квалификувани работници, нагласи таа за весникот Зидојче цајтунг.
– На Германија итно и треба култура на добредојде, додаде Шницер.
Таа е лидер на експертското тело „Sachverständigenrat“ (Совет на експерти), во кое членуваат водечки економски експерти. Ова тело го анализира економскиот развој во Германија и ја советува федералната влада.
Новиот Закон за имиграција, за привлекување експерти од земји надвор од Европската унија, кој неодамна беше усвоен од Бундестагот, според Шницер е чекор во вистинската насока. Но, тој додава дека тоа нема да биде доволно: „Потребни ни се канцеларии за странци, кои нема да ги плашат имигрантите, туку нудат услуга“.
Шницер прецизираше: „Не треба да бараме странските експерти да знаат германски за секоја работа, туку да се погрижиме вработените во канцеларијата за странци да знаат и англиски јазик“.
Според Шницер, Германија ќе мора да инвестира повеќе во децата за да почне да го решава проблемот со недостигот на квалификувана работна сила.
„Поразително е што четвртина од четвртоодделенците не знаат добро да читаат“, критикува таа.
Дополнително, според неа, компаниите треба да ги мотивираат постарите вработени да продолжат да работат за да не се пензионираат предвреме.
Шницер смета дека Сојузна Република не напредува „како што можевме и требаше“ по ова прашање. Меѓу другото, не се инвестираше во потребната инфраструктура, дигитализацијата значително заостанува, заштитата на климата е започната предоцна, наведува економистот.