Денес во Трогир (Хрватска) со огнено оружје е застрелан маж во глава. Со возило на Итна помош е пренесен во сплитската болница. Неговата состојба е критична и не е сигурно дали ќе преживее, објавуваат хрватските медиуми.
Специјалната полиција трага по сторителот и води истрага. Идентитетот на осомничениот е познат и сите расположливи сили се насочени на потрагата.
Според неофицијални информации, се работи за поранешен полицаец Бранко Мамиќ кој веќе е приведуван поради семејно насилство.
Пензионираниот полицаец е незаконски осуден на две и пол години затвор за седум кривични дела против сопругата и децата. Притворот му е заменет со мерки на претпазливост и му е одредена психосоцијална терапија.
Поранешниот полицаец е осуден затоа што дивеел низ куќата пред очите на сопругата и петте деца, убеден дека сопругата го изневерува со соседот. Физички ја нападнал сопругата, држел пиштол и им се заканил дека ќе ги убие.