Уништувањето на хидроелектричната брана Каховка предизвика штета од 1,2 милијарди евра, изјави денеска украинскиот министер за животна средина и предупреди дека поплавите може да донесат мини на бреговите на другите европски земји, пишува Ројтерс.
Министерот Руслан Стрилетс рече дека проценката на штетите се уште трае, но уривањето на браната е веќе најголемата еколошка катастрофа од почетокот на руската инвазија.
„Има работи кои никогаш не можеме да ги вратиме. Тоа се екосистемите што водата ги носела во Црното Море. Ова вклучува 20.000 животни кои веројатно умреле, заедно со ендемични видови кои живееле само во јужна Украина“, рече тој.