Служибте од ЈП „ПОЦ“ задолжени за одржување на хигиената на терторија на Општина Центар спроведуваат акција за расчистување на улиците и јавните површини информираат од Општина Центар.
„Во тек е пролетното уредување и детално чистење на сите паркиралишта. Деновиве од отворениот простор на паркингот кај Домот на Армијата беа отстранети стари и искршени клупи, прозори, стакла и друг отпад кои ја грдеа сликата пред влезовите на зградите“, изјави градоначалникот на Општина Центар, Горан Герасимовски.
– Во акцијата вработените од ЈП „ПОЦ“ на повеќе локации го расчистуваат сметот, а по обилното миење со цистерната граѓаните добиваат чист и слободен простор за паркирање, без препреки. Акцијата за расчистување на јавните површини ќе продолжи и во наредните денови и на други локации се вели во објавата од Општината.