Масовна гробница со повеќе од 400 наводни вампири е откриена за време на градежни работи во Полска. Во селото Лужино на североистокот на земјата е направено страшно откритие, а досега се потврдени околу 450 скелети со отсечени глави и ставени меѓу нозете, со паричка во устата.
Тоа е практика која била вообичаена во 19 век, а се верувало дека оваа постапка го отстранува „вампирското проклетство“.
Археологот Мачеј Стромски изјави дека ова е откритието на масовна гробница на оние за кои се верува дека излегле од гробовите по смртта, па мештаните им ги отсекле главите за да спречат понатамошни обиди да се „разбудат од мртвите“, пишува Дејли Мејл потсетувајќи дека станува збор за слични откритија забележани и во Полска минатата година.
Меѓу телата биле пронајдени и скелети од женски „вампири“. Во една гробница е пронајден череп на мало дете. Исто така, во околу триесет проценти од гробовите имало „огради“, односно тули околу нозете, рацете и главата на мртвите, за да не избегаат.