Браната Каховка на реката Днепар, на југот на Украина во близина на градот Херсон беше уништена рано утрово. Прво, Украина објави дека Русите, кои ја контролираат и областа Нова Каховка, каде што се наоѓа уништената брана, самите ја минирале областа, но руските власти за истото ја обвинија Украина.
Десетици илјади луѓе се загрозени поради излевањето на водата кое веќе достигна ниво од десет метри и поплави делови од самиот Херсон, а веројатно опасноста му се заканува и на Крим. Колку се ужасни прогнозите покажа и украинската јавна телевизија „Суспилне“, која објави и мапа на која се гледа каде се наоѓа браната и кои градови и населби се загрозени од напливот на вода.
Видеата кои кружат на социјалните мрежи покажуваат значителна штета на браната, но и на областите околу неа. Нова Каховка е речиси целосно поплавена, тоа може да се види од видео снимките на кои се гледа општинската зграда под вода, додека луѓето и животните се обидуваат да избегаат.
Kakhovka Hydroelectric Power Plant build by the soviets is gone! pic.twitter.com/hVyj7j1B1D
— Sanya Florida (@Sanya_Florida) June 6, 2023
Гувернерот на Херсонската област Олександр Прокудин изјави дека околу 24.000 луѓе се наоѓаат во „критична зона“ на десниот брег на Днепар, кој е под контрола на Украина. Тој рече дека луѓето се евакуирани во областите во околината на Херсон и ќе бидат однесени со автобус до градот, потоа со воз до Миколаив и во други украински градови.
Тој додаде дека нивото на водата пораснало за 2,5 метри. Руските власти објавија и дека потенцијално 80 населби лоцирани низводно од браната се загрозени поради излевање на вода.
„Во гранатирањето е уништен горниот дел од хидроцентралата Каховска, но не е уништена и самата брана на акумулацијата. Имаше неколку удари во два часот по полноќ во горниот дел на хидроцентралата … и беше урната. Браната не е уништена и тоа е голема среќа“, изјави за РИА Новости Владимир Леонтиев, шеф на администрацијата на градскиот округ Новокахов, кој Русија го основаше по окупацијата.
🇷🇺🇺🇦🗺 — Map: The predictions of the proportions of the flood caused by the destruction of the Nova Kharkova Dam is that it will affect both Ukrainian and Russian settlements and cities, including Kherson itself
Some of the settlements are expected to be underwater once the… pic.twitter.com/g03MTSIzba
— dana (@dana916) June 6, 2023
„Руската армија продолжува да ја гранатира територијата на која се спроведуваат мерки за евакуација. Пред еден час во тој реон беа ранети двајца полицајци. Гранатирањето продолжува“, министерот за внатрешни работи на Украина, Игор Клименко.
With the Kakhovka dam in southern Ukraine destroyed, a wave of water is expected to flood dozens of towns in the coming hours pic.twitter.com/qLHDou2fv6
— BNO News (@BNONews) June 6, 2023
Исто така, хидроцентралата Нова Каховка во Украина, која е под контрола на руските сили, сега е целосно уништена поради минирањето на браната Каховка, а украинските власти објавија драматични снимки од областа.
Destroyed Kakhovka HPP went underwater.
Water level in Dnipro river continues to rise. pic.twitter.com/7S2RjdSLnJ
— Anton Gerashchenko (@Gerashchenko_en) June 6, 2023
Антон Герашченко, советник на украинскиот министер за внатрешни работи, го објави најновото видео од реката Днепар, на кое се гледа како нивото на водата забрзано се зголемува и како хидроцентралата Нова Каховка е целосно потопена од надојдената вода на реката Днепар.