Руски систем за противвоздушна одбрана уништи неколку беспилотни летала кои се упатија кон нафтена рафинерија во Краснодарскиот регион во близина на Црното Море, соопштија локалните руски власти.
„Неколку беспилотни летала се обидоа да се приближат до областа на рафинеријата за нафта Илски во регионот Краснодар“, соопштија регионалните власти за вонредни состојби на Телеграм. Сите се неутрализирани, инфраструктурата на електраната не е оштетена“, додаваат оттаму.
Официјалните лица не кажаа кој го извршил нападот, но нафтената рафинерија Илски беше нападната неколку пати овој месец.
Нападот утринава се случи откако Москва соопшти дека Украина вчера ги погодила инсталациите на нафтоводот длабоко во Русија.
Киев речиси никогаш јавно не ја презема одговорноста за нападите во Русија и на територијата во Украина под контрола на Русија.