Вчера попладне во 14.00 часот полициски службеници од Секторот за внатрешни работи Струмица ги лишиле од слобода 20-годишниот Ф.А. и уште двајца малолетници од село Банско, струмичко, извести МВР.
– Тројцата биле затекнати на место викано „Габровски пат“, атар на село Банско, на планината Беласица како со моторна пила вршат пустошење на шума, соопшти МВР.
Од страна на Шумска полиција затекнатите исечени дрва биле одземени и пренесени во складот на Јавното претпријатие Национални шуми, подружница Беласица – Струмица. По целосно документирање на случајот ќе биде поднесена соодветна пријава.