На социјалните мрежи се појави видео во кое матурант качен на кров на луксузнен џип во близина на хотелот „Александар Палас“ во Скопје му покажа среден прст на полицаец.
Полицаецот се обидува да воведе ред и да го симне момчето кое го слави своето полнолетство качено на кров од возилот во кое се негови пријатели. Видеото предизвика бурни реакции на социјалната мрежа фејсбук.
Од МВР за „А1он“ го потврдија инцидентот и рекоа дека идентитетот на момчето е утврден и тоа ќе биде повикано на разговор во станицата во Карпош.
„Во врска со прашањето за лицето кое недолично се однесува на јавно место, идентитетот на истиот е утврден и од страна на полициски службеници од ЕВР Карпош ќе биде повикан во Полициска станица Карпош и против него ќе се поднесат соодветни прекршочни пријави“, рекоа од МВР.
Граѓаните се револтирани поради неговата реакција.
„Си мислиш за астронаут завршил, а тој едвај средно“, „Да сум му родител на детево, ќе му удрам една шлаканица за да го воспитам“, се само дел од реакциите на социјалните мрежи