Сопственикот и водач на руската паравоена група Вагнер, Евгениј Пригожин денеска соопшти дека во борбите во градот Бахмут загина американски државјанин.
— zoranceran (@zoranceran2) May 16, 2023
Во видеото објавено на каналот Телеграм на групата Вагнер, Пригожин може да се види како го прегледува документите на загинатиот војник, држејќи, како што рече, американска лична карта во рацете, наведува Си-Ен-Ен.
„Значи, ќе го предадеме на САД, ќе го ставиме во ковчег, ќе го покриеме со американско знаме со почит, бидејќи тој не умре во кревет како старец, тој умре во војната. Најверојатно се работи за достоинствена смрт, нели?“, вели Пригожин на видеото.
Видеото е снимено во Бахмут во текот на ноќта, со звуци на минофрлачки напад, а се слушаат војници како извикуваат: „Покриј се! Минофрлачки напад од западната страна“.