Во полициската станица во Гостивар вчера е пријавено дека на регионалниот пат Маврово – Гостивар, во близина на Мавровска крстосница, возило „фолксваген поло“ управувано од Ј.Ј.(64) од село Беловиште, излетало надвор од коловозот.
Во несреќата, сопатничката во возилото, Б.Ј.(66) од Гостивар, се здобила со тешки повреди, а сопатничката Е.Н.(67) од Гостивар со полесни повреди, констатирани во Ургентниот центар во Гостивар.
По насока на Јавен обвинител, увид на местото на несреќата извршила екипа од Полициска станица Гостивар.