Две лица загинаа во престрелка што се случи во фабриката на Мерцедес-Бенц во југозападна Германија. Локалната полиција најпрвин на Твитер објави дека едно лице починало, додека друго е тешко повредено.
Полицијата соопшти дека не се работи за дивеење, за неконтролиран излив на гнев во кој едно лице ги напаѓа сите околу него, туку за индивидуална употреба на оружје.
Едно лице е уапсено во врска со престрелката, а спасувачите се на лице место во фабриката 56 во градот Синделфинген, во провинцијата Баден-Виртемберг.
Подоцна беше објавено дека 53-годишен маж влегол во продукциската хала и отворил оган, пукајќи во двајца 44-годишни мажи. Едната од жртвите почина на местото на несреќата, а другата подоцна во болница. Никој друг не е повреден. Обезбедувањето го приведе осомничениот и го предаде на полицијата која без отпор го приведе, соопшти полицијата.
„Длабоко сме шокирани и тажни од утринава трагична вест од Зинделфинген. Нашите мисли се со жртвите, нивните семејства и сите колеги на местото на настанот“, се вели во соопштението на Mercedes-Benz.