Вчера попладне, околу 16.00 часот, полициски службеници од ЕВР Чаир го лишиле од слобода 62-годишниот Ш.Р. од Скопје, извести МВР.
– Тој се сомничи дека околу 09.20 часот во спортска обложувалница на улицата „Натаниел Кучевишки“ во Скопје физички ја нападнал вработената и одзел пари. Тој бил задржан во полициска станица и од него биле одземени предмети за кои постои сомнение дека се поврзани со делото, соопшти МВР.
По целосно документирање на случајот, во координација со јавен обвинител, против него ќе биде поднесена соодветна пријава.