Русија предизвика паника повикувајќи на евакуација на населението недалеку од нуклеарната централа Запорожје, изјави денеска украински функционер.
Како што јавува Би-Би-Си, Русија им наредила на луѓето да напуштат 18 населби во регионот Запорожје, вклучувајќи го и Енерходар, пред очекуваната офанзива на Киев.
Украинскиот градоначалник на Мелитопол, Иван Федоров, изјави дека морале да чекаат околу пет часа за илјадници автомобили во колони да го напуштат градот.
Цивилите се засолниле во градовите Бердјанск и Приморск.
Федоров, градоначалникот во егзил, рече дека во продавниците во евакуираните области недостасуваат стоки и лекови.
Меѓународната агенција за атомска енергија (МААЕ) предупреди дека може да се случи „тешка нуклеарна несреќа“.
Руските сили го окупираат најголемиот дел од областа Запорожје, но не и главниот град на тој регион, кој се наоѓа североисточно од Енерходар.