ВИДЕО: Ердоган претстави борбен авион од петта генерација кој ќе ги замени авионите Ф-16

Турскиот претседател Реџеп Таип Ердоган вчера објави дека новите турски борбени авиони ќе го добијат името КААН. „Турција сега е присутна на сите полиња. На копно, море, воздух и вселена“, рече турскиот лидер за време на настанот Век на иднината организиран од Турската авијациска индустрија (ТАИ) во главниот град Анкара за да ги претстави своите авиони.

President Recep Tayyip Erdogan announces the name of Türkiye's national combat aircraft as KAAN https://t.co/AdWHzsHsYN pic.twitter.com/QAaFEtlDv8

— ANADOLU AGENCY (@anadoluagency) May 1, 2023

Ердоган истакна дека името на авионот го дал Девлет Бахчели, лидерот на Партијата за турско националистичко движење (МХП). Каан е историска титула што ја користеле владетелите на турските и монголските држави. Ердоган потсети на неодамнешните одбранбени и технолошки проекти, како што се сателитот IMECE, воениот брод TCG Anadolu, главниот борбен тенк Altay и повеќенаменскиот хеликоптер Gokbey.

Türkiye's premier technology and aviation event TEKNOFEST breaks a world record as it welcomes more than 2.5 million visitors in 2023 https://t.co/ipFoUTFWEn pic.twitter.com/Ea46w3Fxnv

— ANADOLU AGENCY (@anadoluagency) May 1, 2023

„Ако денес зборуваме за векот на Турција, голем дел од него е напредокот што го постигнавме во одбранбената индустрија, што е и гаранција за нашата безбедност и локомотива за технолошки напредок“, рече тој.

Тој најави дека КААН ќе го заврши процесот на тестирање во рок од неколку години, а потоа ќе влезе во инвентарот на турската армија, пренесува турската новинска агенција Анадолу.

More than 140,000 people flock to Istanbul's Sarayburnu Port to visit TCG Anadolu, Türkiye's largest warship and world's first unmanned combat aerial vehicle (UCAV) carrier pic.twitter.com/peSZQRnwla

— ANADOLU AGENCY (@anadoluagency) May 2, 2023

Турција го разви авионот од петтата генерација за да ја замени својата застарена флота на американски Ф-16. Ердоган истакна дека Турција ќе стане една од петте земји кои имаат авиони од петта генерација. Проектот за развој на авиони започна во 2016 година.