Марко П.(40) и неговата девојка Нина Р.(37) се уапсени синоќа на Бежанијска коса откако во пијана состојба демолираа кафеана, а потоа го претепаа сопственикот.
Инцидентот се случи во кафуле на улицата „Партизаска авијација“ околу 1.20 часот, пренесува Новости.
Гостите ја известиле полицијата која набрзо пристигнала и пред шанкот ги затекнала Марко П. и Нина Р., кои биле видно алкохолизирани.
„При разговор со гостите на локалот и со сопственикот кој бил претепан, било констатирано дека осомничениот маж и жена правеле хаос во локалот, фрлајќи чаши и шишиња, а кога сопственикот се соочил со нив, тие нападнале уште неколкумина од гостите. По увидот на полицијата, полицајците го привеле Марко П.“, објавија српските медиуи.
Кај сите повредени биле констатирани полесни физички повреди. По извршениот преглед, во полициска станица била донесена и Нина. Таа и нејзиното момче се приведени според Законот за прекршоци.
Против Марко П. и Нина Р. поднесени се прекршочни пријави и истите се приведени заради отрезнување.