Жена загина во тешка сообраќајка која се случи на патот Битола – Ресен, кај превојот „Ѓавато”.
Според полицијата вчера во 13.53 часот се случила сообраќајна несреќа помеѓу „сеат“ управуван од И.А.(57) од Ресен и „мерцедес”, управуван од С.Ј.(52) исто така од Ресен.
Од здобиените повреди на местото на несреќата починала И.А., а смрт констатирал лекар од Итна медицинска помош.
Сопатникот во возилото „сеат“ А.А.(56) од Ресен и возачот на возилото „мерцедес“ се здобиле со повреди, констатирани во Општа болница во Битола.
Увид извршила екипа на СВР Битола.