Серена Вилијамс, вчера го освои УС Опен, со што дојде до својата 17-та Гренд Слем титула, и се израмни со Роџер Федерер по бројот на титулите.
„За мене е чест што успеав да се израмнам со Роџер. Тој е неверојатен тенисер и голем шампион во сите овие години, а освен тоа продолжува да игра и може да освои уште титули. Чувството да се биде на едно ниво со него е одлично, бидејќи тој беше исклучително постојан во текот на целата кариера”, изјави Американката, која веќе е само на една титула од втората позиција во рангирањето за најмногу Гренд Слем трофеи кај дамите, каде што во моментов се наоѓаат Навратилова и Еверт со 18. Штефи Граф има 22 титули и води по трофеи во Опен ерата (периодот во тенисот по 1968 година).