Американката Серена Вилијамс успеа да ја одбрани титулата на УС опен во Њујорк откако ноќеска во финалето ја совлада Викторија Азаренка (Белорусија) со 2:1 – по сетови 7:5; 6:7 и 6:1.
Финалето беше реприза на ланската завршница во која исто така победи Американката и првпат успеа да ја одбрани титулата.
За Вилијамс ова е 17.та Грен слем титула.
Вечерва на теренот на стадионот „Артур Еш“ во Њујорк ќе се појават двајцата први носители во машкото финале, српскиот тенисер Новак Ѓоковиќ (1) и Шпанецот Рафаел Надал (2).