Работник на ЈП „Комунална хигиена“ од Скопје вчера се повреди додека работел и почина, соопшти полицијата.
Засега се знае дека во 9.14 часот во СВР Скопје било пријавено дека на булеварот „11 Октомври“, при извршување работни задачи, А.С.(43) од Скопје – вработен во ЈП „Комунална хигиена“ се здобил со повреди и починал на местото.
Смрт констатирал лекар од Итна медицинска помош, а увид извршила екипа од СВР Скопје.
За настанот бил известен трудов инспектор и по наредба на јавен обвинител телото на починатиот било дадено на обдукција.