На патот Градско-Прилеп, пред мостот кај село Тројаци, вчера околу 14 часот се случила сообраќајна несреќа помеѓу возило „ауди“ управувано од М.И.(27) од село Горно Лакочереј, охридско и возило „пежо“ управувано од Д.М.(49) од село Врбоец, крушевско.
Во несреќата со тешки повреди се здобиле возачот Д.М., сопатникот од неговото возило Х.Н.(19) од село Врбоец и сопатничка од возилото „ауди“, М.Д.(29) од Охрид, додека со телесни повреди се здобила М.И. и сопатниците од истото возило, Д.Ј.(32) од село Требеништа и А.Б.(25) од село Пештани, констатирани во Градската болница во Прилеп.
Извршен бил увид од увидна екипа од Полициската станица Прилеп.