Двајца скопјани вчера загинаа во сообраќајна несреќа која се случи во скопската населба Припор.
Полицијата денеска извести дека околу во 16.40 часот во СВР Скопје е пријавено дека на улицата „Христо Татарчев“ во Скопје, возило „сузуки свифт“ управувано од А.А.(70) од Скопје излетало надвор од коловозот.
На местото на несреќата починале возачот и сопатникот С.О.(65) од Скопје, а смрт констатирал лекар од Итна медицинска помош.
Со тешки повреди се здобил уште еден сопатник П.Ц.(71) од Скопје.
Извршен бил увид од Јавен обвинител и увидна екипа од СВР Скопје.