Украинскиот претседател Володимир Зеленски призна дека постои можност за воено повлекување од градот Бахмут на истокот на земјата.
„За мене најважно е да не ја загубиме војската. И секако, доколку дојде до момент на уште поинтензивни настани и постои опасност да изгубиме персонал, ќе има соодветни генерали кои ќе направат правилни одлуки на лице место. Сигурен сум во тоа“, изјави Зеленски за време на средбата во Варшава со полскиот претседател Анджеј Дуда.
„Но, колку попогодна муниција стигне до Украина, толку побрзо ќе се соочиме со ситуацијата не само во Бахмут, туку и на целата територија на нашата земја“, додаде тој.
Зеленски рече дека ситуацијата во Бахмут е „најтешка“ во целата земја.
Тој град со месеци е под напад на руските сили.