Претседателот на Република Српска Милорад Додик денеска во неформален разговор со лидерите на партиите од владејачката коалиција изјави дека ќе го претепа шефот на Делегацијата на ЕУ во БиХ, Јохан Сатлер.
Ова се случи пред почетокот на состанокот на владејачката коалиција, во моментот кога снимале и фоторепортери, објави регионалната телевизија Н1.
Во дискусијата за државниот имот Додик рече дека тоа во моментов е клучно прашање и дека не може да се разговара за тоа.
„Не сакам да зборувам, gotovo. Нема дискусија за имот. Имотот не е проблем. Решени со Устав, решенo со Дејтон“, им порача тој на коалициските партнери.
"Ja ću Satlera istući", rekao je Milorad Dodik na sastanku sa liderima stranaka vladajuće kolicije. Predsjednik Republike Srpske zaprijetio je šefu Delegacije Evropske unije zbog stava o pitanju imovine. @N1infoSA pic.twitter.com/Nm3JKIQV9t
— Mladen Vujinović (@M_Vujinovic) March 31, 2023
Претседателот на Народното собрание и лидер на Обединета Српска Ненад Стевандиќ тогаш изјави дека од Додик се бара да се согласи со предлогот да се донесе закон за прашањето на државниот имот на ниво на БиХ и дека ќе „горе ќе попуштат“ дел од имотот да е сопственост на РС.
„Значи, гледате што вели (американскиот амбасадор Мајкл) Марфи, мора да се донесе закон со кој Парламентарното собрание ќе одлучи да сестави на располагање на Република Српска. Молам“, праша Додик.
На забелешката на Стевандиќ дека истото го зборува и шефот на делегацијата на ЕУ во Босна и Херцеговина, Јохан Сатлер, Додик рече: „Па, тие го кажуваат истото. Ќе го истепам Сатлер, ќе видиш. Му кажав дека ќе го тепам“, објави телевизијата N1.
Таа закана Додик не ја повтори на прес-конференцијата по средбата на лидерите на владејачката коалиција во РС.