Девет лица загинаа синоќа кога два хеликоптери на американската армија Black Hawk се урнаа за време на рутинска мисија за обука над Кентаки.
Членовите на екипажот летаа со два хеликоптери HH-60 Black Hawk, управувани од 101-та воздухопловна дивизија. Хеликоптерите се урнаа околу 22 часот по локално време во округот Триг, Кентаки, соопшти претходно канцеларијата за односи со јавноста на Форт Кембел, без да го прецизира бројот на жртвите.
„Имаме тешки вести од Форт Кембел, со првите извештаи за пад на хеликоптер. Се очекуваат жртви“, објави гувернерот Енди Бешеар во објава на Твитер, додавајќи дека локалните власти и службите за итни случаи реагираат.
HH-60 е варијанта на хеликоптерот Black Hawk дизајниран да поддржува различни воени операции, вклучувајќи воздушни напади и медицинска евакуација.