Во близина на нуклеарната централа Запорожје во југоисточна Украина, судирите се интензивираа, изјави шефот на Меѓународната агенција за атомска енергија (МААЕ). Рафаел Маријано Гроси предупреди дека оваа ситуација ја зголемува можноста за нуклеарна несреќа. Вчера Гроси се сретна со украинскиот претседател Володимир Зеленски, кој синоќа ги обвини руските војници дека ја држат во заложништво најголемата нуклеарна централа во Европа.
„Забележавме зголемено ниво на борби, активни конфликти. Моите тимови кои престојуваат во областа секојдневно известуваат за напади. Тоа е практично постојано. Гледам зголемено ниво на опасност. Треба да се обидеме да избегнеме несреќа, а можноста да се случи е се зголемува“, рече Гроси за АП.