Рускиот претседател Владимир Путин денеска изјави дека Русија ќе стационира авиони способни да носат тактичко нуклеарно оружје во Белорусија.
Во изјавата што ја пренесе московската новинска агенција Тасс, рускиот претседател рече дека таму се преместени 10 авиони способни да носат оружје.
„Се договоривме со белорускиот претседател Александар Лукашенко дека ќе распоредиме тактичко нуклеарно оружје во Белорусија без да го нарушиме режимот за неширење на оружјето“, рече тој.
Путин тврди дека тоа нема да ги прекрши договорите за неширење нуклеарно оружје, бидејќи САД веќе имаат такво оружје стационирано во Европа.