САД извршија воздушни напади против групите поддржани од Иран во источна Сирија како одговор на нападот со беспилотно летало во кој загина американски работник и беа повредени пет припадници на војската, соопшти Пентагон.
Во соопштението, Пентагон рече дека „еднонасочно беспилотно летало удрило во објект за одржување на база на коалицијата во близина на Хасака во североисточна Сирија“ во четвртокот попладне, што исто така резултирало со повреда на друг американец.
Според соопштението, „разузнавачката заедница оцени дека леталото е со иранско потекло“.
#BREAKING: The US military carried out "precision airstrikes" in Syria on after five US service members and a contractor were injured in a suspecred Iranaian suicide drone attack earlier today. pic.twitter.com/QvsD63D70B
— Moshe Schwartz (@YWNReporter) March 24, 2023
Секретарот за одбрана Лојд Остин рече дека ги овластил силите на Централната команда на САД да вршат прецизни воздушни напади „против објекти што ги користат групите поврзани со Корпусот на иранската Исламска револуционерна гарда (ИРГЦ)“ по налог на претседателот Џо Бајден.
„Воздушните напади беа извршени како одговор на нападот, како и на серијата неодамнешни напади врз коалициските сили во Сирија од страна на групи поврзани со ИРГЦ“, рече Остин.
„Како што јасно кажа претседателот Бајден, ќе ги преземеме сите неопходни мерки за да го одбраниме нашиот народ и секогаш ќе одговориме во време и место по наш избор“, рече Остин.
Според соопштението, на двајца од ранетите војници им била укажана помош на лице место, додека тројца дополнителни војници и американскиот работник биле медицински евакуирани во медицинските установи на коалицијата во Ирак.