Се очекува обвинение против поранешниот американски претседател Доналд Трамп, но не е јасно кога тоа ќе се случи. Трамп, сепак, рече дека можел да биде уапсен во вторник и ги повика своите приврзаници на протести, морничаво потсетувајќи на случувањата во пресрет на упадот на Капитол Хил на 6 јануари 2021 година. Во објавите на неговата мрежа „Вистина“, Трамп алудираше на извештаите дека наскоро би можел да се соочи со кривична пријава во Њујорк поврзана со плаќање на порно ѕвезда во замена за нејзиниот молк.
„Далеку водечкиот републикански кандидат и поранешен претседател на САД ќе биде уапсен во вторник следната недела. Протестирајте, вратете ја нашата нација“, напиша Трамп во саботата на својата мрежа „Вистина“.
Тој не кажа дали бил информиран од органите на прогонот за претстојното обвинение, а неговиот портпарол рече дека не го напишал својот пост со директно знаење за времето на неговото апсење.
Но, објавата на Трамп имаше моментално влијание – за неколку часа, претседателот на Претставничкиот дом Кевин МекКарти, еден од најмоќните луѓе во федералната влада кој делумно му ја должи својата позиција на поранешниот претседател, објави на Твитер дека бара истрага за тоа дали федералните фондови беа користени за „политички мотивирани обвиненија“, слабо прикриена закана за окружниот обвинител на Менхетен, Алвин Брег.
Адвокатката на Трамп, Сузан Нечелс, ја обвини канцеларијата на Брег за „политички прогон“.
Обвинителите кои работат за Брег сигнализираа дека обвинението против Трамп би можело да биде неизбежно. Но, тие не им кажале на адвокатите на Трамп кога ќе се бараат обвиненија или кога ќе се случи апсење, според извори на Њујорк Тајмс. Најмалку уште еден сведок се очекува да сведочи пред големата порота, што би можело да го одложи обвинението, пишува весникот.
Дури и ако поротата требаше да гласа за обвинение против Трамп во понеделник, апсењето во вторник е малку веројатно затоа што треба да се разработи времето, патувањето и другата логистика, велат изворите.
Еден од изворите на „Тајмс“ изјави дека Трамп е многу нервозен поради можноста за апсење. Кога поранешниот главен финансиски директор на Организацијата Трамп, Ален Вајзелберг беше уапсен во 2021 година, Трамп ужасно гледаше како полицијата го води во судница, велејќи дека не може да поверува што се случува.
Објавата, во која тој ги повикува своите приврзаници да протестираат и да ја „вратат нацијата“, одекнуваат на запаливи пораки што тој ги објави на интернет неколку недели пред упадот во американскиот Конгрес.
“Биди таму. Ќе биде диво“, напиша Трамп на 19 декември 2020 година на Твитер, повикувајќи на митинг во Вашингтон на 6 јануари.
На митинг во близина на Белата куќа, Трамп им порача на приврзаниците да маршираат кон Капитол, каде што се проверуваат резултатите од претседателските избори во 2020 година, на кои тој загуби од Џо Бајден. Трамп во моментов е под истрага на федералните обвинители за неговите активности пред нападот.
Подоцна истражителите открија дека десничарските групи, како и обичните поддржувачи на Трамп, го сфатиле неговиот „твит“ како повик. Тие стапија во акција речиси веднаш – набавија заштитна опрема, воспоставија шифрирани канали за комуникација и, во еден случај, подготвуваа силно вооружени „сили за брза реакција“. Водачите на групи како Гордите момчиња и трипроцентната милиција, исто така, почнаа да ги бомбардираат своите членови со воинствени пораки, а нивните канали за приватни пораки беа полни со планови да му помогнат на Трамп.
Во моментов има малку докази дека новиот повик на Трамп за протести одекнал кај екстремистичките групи. Организаторот на митинзите „Стоп за кражба“ по изборите 2020. Али Александар ги поддржа демонстрациите на „Телеграм“, но се огради.
„Претходно реков дека ако Трамп биде уапсен, 100.000 патриоти треба да ги затворат сите патишта до Мар-а-Лаго (куќата на Трамп во Флорида). Сега сум во пензија, но ќе се молам за него“, напиша тој.
Не е јасно до колку луѓе Трамп ќе може да допре преку неговата мрежа „Вистина“, без машинеријата на голема политичка кампања, или дали ќе го повтори својот повик за акција или ќе ги подигне влоговите со поагресивна реторика.
Некои од неговите поддржувачи реагираа со сопствено насилство откако агентите на ФБИ извршија рација во Мар-а-Лаго со налог за претрес во август и одзедоа кутии со документи поврзани со истрагата за ракување со доверливи документи. Еден ден по претресот, вооружен маж од Охајо, кој преку Интернет го изрази својот шок од настаните во Мар-а-Лаго, се обиде да упадне во канцеларијата на ФБИ надвор од Синсинати и подоцна беше убиен во престрелка со локалната полиција.
Во петокот вечерта, кампањата на Трамп најави митинг во Вејк, Тексас, каде пред околу 30 години се случија смртоносни судири меѓу федералните сили и екстремистичката верска секта. Тоа може да биде прва средба по обвинението. И покрај непредвидливата природа на Трамп, членовите на неговиот правен тим очекуваат тој да се предаде. Трамп треба да биде обвинет бидејќи неговиот поранешен адвокат Мајкл Коен и платил на порно ѕвездата Сторми Даниелс 130.000 долари за да молчи за нејзината афера со поранешниот претседател.
Исплатата се случи во пресрет на претседателските избори во 2016 година, а Трамп последователно му врати на Коен. Се очекува Трамп да биде обвинет за надгледување на лажното запишување на компензација во внатрешните досиеја на неговата компанија. Во записите лажно е наведено дека исплатите на Коен биле за „правни такси“.
Постојат неколку знаци дека обвинението е неизбежно: Обвинителите му дадоа шанса на Трамп да сведочи (тој негираше дека сторил нешто лошо, вклучително и афера со Сторми Даниелс) и ги испрашуваа речиси сите главни играчи во случајот за молчење пред голема порота.
Апсењето на Трамп веројатно ќе ги вклучи рутинските чекори со кои се соочуваат сите обвинети – земање отпечатоци, фотографирање – и ставање лисици се стандардни при апсењето. Можно е да има исклучоци во случајот со поранешниот претседател. И најверојатно веднаш ќе биде ослободен бидејќи обвинението најверојатно ќе содржи само ненасилни кривични дела.
Во меѓувреме, поранешниот стратег на Трамп, Стив Банон, предвиде што ќе се случи ако Трамп се соочи со очекуваното обвинение. Банон на платформата „Гетр“ изјави дека кривичната пријава ќе му донесе само политички поени на Трамп, пренесува „Њузвик“.
„Трамп победува убедливо (на изборите), ја спасува нацијата“, напиша тој.
Неговата објава вклучуваше скриншот од слично чувство изразено од американскиот милијардер и сопственик на Твитер, Илон Маск.
„Ако тоа се случи, Трамп ќе биде реизбран со големо мнозинство“, напиша Маск.
Ако тоа навистина се случи, тоа ќе биде прв пат во американската историја поранешен претседател да биде кривично обвинет.