Претседателката на Европската комисија, Урсула фон дер Лајен, за време на нејзиниот разговор со украинскиот претседател Володимир Зеленски, го осуди последниот руски ракетен напад врз Украина.
„Зборував денеска, по синоќешниот неселективен напад врз Украина, со Володимир Зеленски. Намерното таргетирање на цивили и енергетската мрежа од страна на Русија е воено злосторство“, напиша Фон дер Лејен на Твитер.
Да потсетиме, синоќа руската армија повторно изврши масовен напад врз украински цивилни цели. Според досегашните информации, нападот бил извршен со 81 проектил. Најмалку 11 лица загинаа.