За време на протестите во јужната колумбиска провинција Какета, еден полицаец загина, а 79 беа земени како заложници, јавува Би-Би-Си.
Насилството на протестот избувна вчера откако жителите блокираа неколку згради во сопственост на нафтената компанија „Емералд енерџи“.
Тие побараа поправка на постоечките патишта и изградба на нови. Покрај полицаецот, на протестот загина и еден цивил, а демонстрантите како заложници земаа и девет вработени во нафтената компанија.
На снимката што ја објави Би-Би-Си се гледаат заложниците како седат во мала соба на столици и на подот.