Пратениците во Европскиот парламент добиваат пари од американски воени компании, објави денеска портпаролката на руското Министерство за надворешни работи, Марија Захарова на својот канал Телеграм.
„Корупцијата во Европскиот парламент е неконтролирана. Новинарите на ЕУ Обсервер открија дека некои европратеници добивале пензии, на пример од американските корпорации Raytheon, Honeywell International и Tektron Inc. компании кои развиваат, произведуваат и продаваат, меѓу другото, касетна муниција“, се наведува во соопштението на Захарова, пренесува ТАСС.
Според неа, значајно е што фокусот е ставен на американскиот воено-индустриски комплекс, кој е отелотворен во терминот дилери на смртта.
„Понатаму, се покажа дека европратениците биле спонзорирани со пари од продажбата на оние видови оружје што земјите-членки на ЕУ бараат да ги забранат. Но, поради некоја причина не одбиваат да ги стават парите во џеб“, рече Захарова.
Таа нагласи дека европратениците ги инвестирале своите пензиски заштеди во нафтената и гасната компанија Ројал Дач Шел по уште едно истекување на нафта од нејзините нафтоводи.
„Што е со зелена транзиција и зачувување на природата“. Тоа е посебна приказна“, заклучи Захарова.