Очекуваме да продолжиме со партнерството додека градите демократска и просперитетна нација, стои во пораката потпишана од Државниот секретар на САД.
Во име на претседателот Обама и луѓето во САД, ви го честитам Денот на независноста 8-ми септември, се вели во честитката за празникот од Државниот секретар на САД, Џон Кери.
„Република Македонија направи значителен напредок од независноста. Очекуваме да продолжиме со партнерството додека градите демократска и просперитетна нација.
Се` уште има работа што треба да се заврши, и убедени сме во духот и решителноста на луѓето во Македонија.Веруваме и дека како конструктивен сосед и партнер, Македонија има многу што да придонесе на Западниот Балкан и во пошироката евро-атлантска заедница“, порачуваат САД за националниот празник на Македонија.
