Министерот за надворешни работи на Украина уверува дека неговата земја нема да користи западни борбени авиони за напад на територии во Русија. Зборувајќи за Скај њуз во ОН во Њујорк, Дмитро Кулеба рече дека на Украина и се потребни борбени авиони за да ја прекине војната и да ја врати Русија надвор од нејзините источни граници.
„Го користиме оружјето што го добиваме од нашите партнери за да ја нападнеме Русија на окупираните територии на Украина“, рече Кулеба.
На прашањето дали може да гарантира дека Украина нема да користи западни авиони и друго оружје за бомбардирање во самата Русија, министерот за надворешни работи рече:
„Можеме да гарантираме дека ќе користиме западно оружје за ослободување на украинските територии“.
Западните земји сè уште се воздржуваат од испраќање борбени авиони во Украина, и покрај нивната јасна предност што би ја донеле во војната, поради долгогодишните стравувања дека тоа ќе го поттикне ширењето на конфликтот надвор од границите на Украина.