Австралиската полиција уапси еден и трага по уште двајца мажи кои беа спасени од океанот на 1 февруари. Од давење ги спасил пренослив фрижидер за кој се држеле, а на полицијата и објасниле како ловеле риба кога им се превртел чамецот. Меѓутоа, подоцна на најмалку две локации биле откриени 365 килограми кокаин, а полицијата го поврзала со нив. Тие се осомничени за вмешаност во меѓународна испорака на дрога.
On Tuesday, we were alerted to an emergency beacon activation off Eclipse Island, 17km south of Albany, WA. Marine Rescue Albany and WA Police supported the rescue. All three people were rescued, with no serious injuries reported. https://t.co/3VvJHL0WR8 #SavingLives #AMSA pic.twitter.com/XFWEip9Anr
— AMSA News (@AMSA_News) February 3, 2023
Уапсениот маж, Аристидес Авлонтис, се соочува со обвинение за увоз на дрога наменета за продажба, соопшти австралиската федерална полиција (AFP). Полицијата се уште трага по Мато Стипинович (49) и Карл Витбурн (45), од кои едниот е регистриран сопственик на превртениот чамец. Се верува дека двајцата се во австралиската сојузна држава Западна Австралија, пишува Би-Би-Си.
Властите првично ја пофалија тројката што беше спасена во близина на островот Еклипс, 17 километри јужно од Албани, Западна Австралија, објавувајќи соопштение за печатот во кое се вели дека случајот „ја истакна важноста од носење елеци за спасување“. Меѓутоа, локалната полиција набрзо открила недоследности во приказната за триото и ја контактирала федералната полиција која започнала истрага.
Вршителот на должноста командант на АФП, Грем Маршал, рече дека заплената на дрогата ќе им нанесе „значаен удар“ на криминалците.