„ВМРО-ДПМНЕ останува деструктивна партија, која е против ЕУ, против македонскиот јазик, на која не и се важни интересите на државата и потребите на граѓаните. Пратениците од ВМРО-ДПМНЕ не гласаа за ратификацијата на договорот со Фронтекс, не гласаа ниту за законите поврзани со иницијативата Отворен Балкан“, соопшти СДСМ.
„Со месеци ширеа лаги за асимилација и бугаризација и правеа хистерија дека македонскиот јазик ќе бил загрозен, а потоа пратениците на ВМРО-ДПМНЕ не беа во собраниската сала и не гласаа за ратификација на Договорот со Фронтекс, кој е најсилен доказ дека македонскиот јазик е признаен од ЕУ и тоа со чиста формулација, без додавки и фусноти.
Не ги поддржаа ни за законите од Отворен Балкан, кои овозможуваат унапредување на мобилноста на работната сила, зајакнување на конкурентноста на македонската економија и регионалната соработка.
Додека се носат важни закони за граѓаните и државата, пратениците од ВМРО-ДПМНЕ платени со парите од граѓаните, не се во салата, не се на своето работно место, не гласаат и не даваат никаков придонес.
Тоа е односот на ВМРО-ДПМНЕ кон Собранието, кон државата и граѓаните. ВМРО-ДПМНЕ нервозни што не им успеаја сценаријата за предвремени избори, бегаат од одговорност, делуваат против интересите на државата и на граѓаните“, се наведува во соопштението на СДСМ.