Дојава за наводно поставени бомби и денеска добиле училишта во Скопје. Учениците од гимназиите „Јосип Броз Тито“ и „Никола Карев“ се евакуирани и ќе биде направена потребната проверка.
Минатата недела имаше дојави за бомби три дена по ред во основни и средни училишта во главниот град. Сите како и претходно во изминатите месеци беа лажни.
Учениците во дел од скопските школи добија насоки дека во ситуација да има дојава за поставена бомба, по најмногу два часа од евакуацијата од објектот ќе треба да се приклучат на онлајн настава.