Денеска се очекува променливо облачно време со врнежи од дожд, на планините и на повисоките места од снег, особено претпладне. Во утринските часови во западните делови врнежите ќе преминуваат во снег и во некои пониски места. Ќе дува слаб до умерен, а долж Повардарието повремено засилен ветер од јужен и југоисточен правец.
Минималната температура ќе биде во интервал од -2 до 5, а максималната ќе достигне од 5 до 12 степени.
Во Скопје, времето ќе биде променливо облачно со повремени врнежи од дожд, особено претпладне. Во повисоките делови од котлината во утринските часови можно е врнежите да преминуваат во снег. Ќе дува слаб до умерен ветер од југоисточен правец. Минималната температура ќе се спушти до 2, а максималната ќе достигне 9 степени.
Во недела ќе има преодно стабилизирање на времето. Од ноќните часови кон понеделник под влијание на нов влажен бран повторно ќе има врнежи од дожд, а на планините и на повисоките места од снег, кои ќе бидат пообилни во понеделник.