Две лица загинаа, а пет се тешко повредени во сообраќајна несреќа што се случила изутрината во 5 часот и 15 минути на магистралниот пат Крива Паланка – Куманово, кај селото Страцин на местото викано Поповски рид.
Во сообраќајката учествувале три возила – „БМВ“ со бугарски регистарски таблички, „Голф“ со косовски и „Тико“ со кривопаланечки таблици.
Од полицијата информираат дека во несреќата се починати возачите на „БМВ“ и на „Голфот“, а повредените пет лица биле сопатници во „Тикото“ и косовскиот „Голф“.
Тешко повредените лица се пренесени во болница. Полицијата се уште врши увид на местото на несреќата, по што ќе бидат познати повеќе детали.
