Лидерите во објавување на непознавање на законите и надлежностите, дезинформациите и лажните вести денеска повторно се во акција. По којзнае кој пат, политичката партија „Левица“ со неточни информации и лажни вести ја замајува јавноста, пробувајќи да изгради лажна слика за она што се случува и да ја префрли одговорноста во име на оние со кои коалицираат велат од Општина Аеродром.
– Рампата поставена на Кејот на Вардар во Аеродром, нема никаква врска со Општина Аеродром. И тие многу лесно можат да го проверат тоа затоа што се во коалиција со раководството на градот Скопје кое по којзнае кој пат креира проблеми, наместо да креира решенија. Токму политичката партија Левица, односно креаторите на лажните вести се дел од политичката група во Градот Скопје која наместо да ги решава проблемите на граѓаните на Аеродром, тие поставуваат рампи со кои се ограничува движењето на граѓаните на општината. Надлежноста на општина Аеродром во конкретниот случај е јасна. Таа може да му наложи на инвеститорот да го обезбеди местото за градба. Тоа е сторено од страна на општината Аеродром и тој има обврска истото да го направи во рок утврден од страна на Општина Аеродром. Сите други вести и информации, поврзани со овој настан се неточни и лажни. Тие се креирани во партиските штабови на политичката партија која ја штити партијата на власт и ја поддржува градската власт. Политичка партија која креира проблеми и шири лаги и дезинформации помеѓу граѓаните.