Украинскиот претседател Володимир Зеленски повторно предупреди дека Русија е подготвена да започне голема офанзива.
„Не се сомневаме дека Русија ќе ги фрли сите карти што и останаа на маса и ќе собере сè што може за да се обиде да го сврти бранот на војната и барем да го одложи нејзиниот пораз“, рече Зеленски во своето дневно видео обраќање.
„Мораме да го нарушиме ова руско сценарио. Се подготвуваме за тоа. Терористите мора да загубат. Секој обид за нивна нова офанзива мора да пропадне“, продолжи тој.
Украинската војска соопшти дека извршила напад што резултираше со загуба на руска опрема и можен персонал во близина на Макиивка, но не даде дополнителни детали.