На 2.01.2023 во 19.40 часот било пријавено дека на клучка Штип од магистралниот пат Три Чешми – Кочани се случила сообраќајна несреќа помеѓу патничко возило „опел астра“ со пробиштипски регистарски ознаки, управувано од М.М.(37) од Пробиштип и автобус со штипски регистарски ознаки, управуван од Д.Ќ.(42) од Пехчево.
Во несреќата, од здобиените повреди починал сопатникот во патничкото возило, С.Т.(37) од Пробиштип, а смрт била констатирана од лекар од Итна медицинска помош.
Возачот М.М. се здобил со повреди и бил пренесен во Клиничка болница во Штип за укажување на лекарска помош.
Извршен бил увид од Јавен обвинител и увидна екипа од СВР Штип.
