Израелскиот парламент гласаше за новата влада на Нетанјаху

Од:

Израелскиот парламент гласаше за владата на Бенјамин Нетанјаху, при што 63 од 120 пратеници гласаа за најекстремно десничарската влада во земјата досега.

Амир Охана од десничарската конзервативна партија Ликуд на Нетанјаху беше избран за нов претседател на Парламентот, пред да започне положувањето заклетва на членовите на коалицијата.

Нетанјаху во говорот ги истакна најважните цели на неговата влада за следните четири години, велејќи дека ќе се направи се „за да не нè уништи Иран со нуклеарна бомба“.

По пауза од една и пол година, 73-годишниот лидер се враќа на чело на неговата шеста влада и рече дека ќе работи и на зближување со повеќе арапски држави.

Членот на конзервативната партија Ликуд на Нетанјаху, Јоав Галант (64) е новиот министер за одбрана, кој ја започна својата воена служба како нуркач во морнарицата.

Министер за финансии ќе биде Бецалел Смотрич (42), кој вети дека ќе се залага за слободни пазари. Претходно беше министер за транспорт.

Со Министерството за внатрешни работи ќе раководи педесетгодишниот Ели Коен, кој е член на Ликуд.

Министер за национална безбедност е Итамар Бен-Гвир (46), кој вети дека ќе го фокусира своето внимание на редот и законот за сите граѓани.

Ари Дери (63) е новиот министер за внатрешни работи и за здравство, ултраортодоксен рабин, лидер-ветеран на Шас, поддржан од религиозни Евреи со потекло од Блискиот Исток.

Министер за станбена политика е Јицак Голдкноп (72), кој има поддршка од религиозните Евреи со европско потекло.

За министер за стратешки работи е избран Рон Дермер (51), поранешен амбасадор во Вашингтон, кој беше клучна фигура во зајакнувањето на односите на Израел со Обединетите Арапски Емирати и Бахреин во дипломатската иницијатива во 2020 година.

Извор: МИА

Би можело да ве интересира

Драма во Малме: Претставничката на Израел на Евровизија предупредена да не го напушта хотелот

Предраг Петровиќ

Нема крај на војната во Газа и по ослободувањето на заложниците тврди израелски функционер

Катерина Ѓуровски

Бајден е под голем притисок за продажбата на оржје на Израел, 90 демократи му напишаа писмо

Катерина Ѓуровски

Хамас: САД вршат притисок да го прифатиме договорот со Израел

А1он

Меѓународниот суд на правдата нема да и наложи на Германија да го запре извозот на оружје за Израел

Горан Наумовски

ВИДЕО: Израел ја гранатира Рафа додека почнува новата рунда преговори за примирје

Катерина Ѓуровски