Низ социјалните мрежи се рашири видео реклама во која се повикуваат Русите да се приклучат на војската. Автентичноста на рекламата на Твитер ја потврди Кристо Грозев, истражувач на познатиот сајт за форензика за разузнавање.
Во огласот е прикажан руски дедо кој нема пари, па решил да го продаде својот стар автомобил Лада. Кога потенцијалниот купувач на автомобилот му нуди двојно помалку отколку што побарал, внук му се појавува во униформа на руската армија и вели: „Дедо, го потпишав договорот“. На тоа дедото одговара: „Сега сигурно ќе бидеме во ред“.
A new ad for Russian army – it simply offers to exchange a grandson for an already existing Lada. pic.twitter.com/8xuZrVwZPJ
— Anton Gerashchenko (@Gerashchenko_en) December 20, 2022
Видеото на Твитер го сподели и Антон Герашченко, советник на украинското Министерство за внатрешни работи, кој напиша: „Нова реклама за руската армија – едноставно ви нуди да го замените вашиот внук за веќе постоечка Лада“.
RU channels have been bickering if this recruitment ad is real or a Ukrainian psyop. It shows a grandpa+grandson living in extreme poverty, with the grandson’s only solution for saving their old Lada being signing up for the army. Turns out it’s a real Russian-made ad. pic.twitter.com/4NaLkcEZ5I
— Christo Grozev (@christogrozev) December 20, 2022
„Руските канали дебатираа дали овој оглас за регрутирање е реален или е украинска психолошка операција. На него се прикажани дедо и внук кои живеат во екстремна сиромаштија, каде единственото решение на внукот да ја спаси старата Лада е да се приклучи на војската “, објави Кристо Грозев на Твитер.