Украинскиот претседател Володимир Зеленски ја критикуваше ФИФА дека одбила да ја прикаже неговата видео порака пред финалето на Светското првенство. Во своето ноќно обраќање Зеленски рече дека ФИФА го „запрела“ неговиот говор пред финалниот натпревар во Катар, но додаде дека „светот сепак го слушнал нивниот повик“.
Вчера, украинското Министерство за надворешни работи сподели видео порака и додаде „не плашете се, светот ќе ги слушне зборовите на мирот“. Во претходно снимената порака, претседателот Зеленски му честиташе на светот за „прославувањето на човечката победа“ и побара од сојузниците да ја поддржат неговата земја, пишува Sky News.
This @ZelenskyyUa’s message of world peace could be heard prior to kickoff at the @FIFAWorldCup final.
There is still time for #FIFA to show the video before the game that unites people and symbolizes fairplay. Don’t be afraid that the world will hear the words of peace. pic.twitter.com/8vAzL0wGer
— MFA of Ukraine 🇺🇦 (@MFA_Ukraine) December 18, 2022
„ФИФА нема разбирање“
„Украина се стреми кон мир повеќе од било што друго. Нема победници во војната. Војната мора да пропадне и мирот мора да стане победник. Ова е можно, ве молиме поддржете ја Украина во нашите напори за мир“, додаде Зеленски.
Михаил Подољак, еден од советниците на претседателот Зеленски, го критикуваше потегот и рече дека ФИФА „покажува недоволно разбирање за катастрофата во која Русија го вовлече светот со започнувањето на војната во Украина“.