Украинскиот претседател Володимир Зеленски и неговите највисоки воени команданти велат дека очекуваат нова руска офанзива на почетокот на следната година, но во исто време не се подготвени на компромис за ослободување на Украина.
Во неодамнешното интервју за „Економист“, Зеленски рече дека целта на Украина е да ја ослободи целата територија што земјата ја има од независноста, што го вклучува и полуостровот Крим, кој беше анектиран од Русија во 2014 година.
Само неколку дена откако Кремљ соопшти дека „Украина мора да ја прифати новата територијална реалност“, која според Москва ја вклучува и неодамнешната најава за анексија на четири украински региони, Зеленски повтори дека Украина не е подготвена за никакви отстапки. „Ако Путин ги повлече своите сили до границите од 1991 година, тогаш можеме да одиме по дипломатски пат. Само тој може да ја претвори оваа војна од конфликт на дипломатски начин. Само тој“, рече тој.
Украинскиот претседател тврди дека околу 95 отсто од Украинците не сакаат да влегуваат во компромиси за територија и вели „Не се работи само за територија. Никој не сака да влезе во дијалог со луѓето кои започнаа ваков вид војна“.
Зеленски додаде дека е „страшно“ да се посетат неодамна ослободените градови и да се види како окупацијата ги променила луѓето.
„Морам да признаам дека пропагандниот модел на Кремљ функционира. Окупацијата ги промени Украинците кои живееја под руска власт. Тие беа како астронаутите кои не можат да ги симнат шлемовите со големи тежини, кои го ограничуваат она што можат да го видат“, рече Зеленски.