Еден од најблиските соработници на Рамзан Кадиров, а според некои информации и неговиот братучед Мурад Саидов, наводно бил убиен во гранатирањето на воената база во Кадијевка. Украина ја презеде одговорноста за овој напад, истакнувајќи дека се убиени многу членови на паравоената формација Вагнер и војската на Кадиров. Меѓутоа, на руските канали Телеграм набрзо се појави видео од Саидов на кое се тврди дека тој го преживеал нападот.
Украинците доцна синоќа извршија нов напад врз руските воени бази во окупираниот Луганск. Овојпат нападнат е хотел во кој престојувале неколку стотици членови на групата Вагнер и војската на Кадиров.
Himars targeted and hit a Wagner’ PMC barrack’s hotel complex in #Melitopol only 3 badly wounded and rest 300+ eliminated instantly💀☠ pic.twitter.com/9HWFQcr4Uj
— АЗОВ South (@Azovsouth) December 11, 2022
Хотелот бил гранатиран од американскиот ракетен систем Химарс, потврди украинската страна.
Според очевидци, се слушнале десет експлозии, иако некои од нив можеби биле од руски системи за противвоздушна одбрана. Украинските власти тврдат дека има многу загинати и повредени Руси, додека Русија признала само неколку жртви.
Гувернерот на Луганск, Сергеј Гајдаи, објави дека украинските сили во жесток напад го уништиле центарот на озлогласената платеничка група Вагнер.
In response to Ukrainian media spreading disinformation about the death of Murad Saidov in Melitopol. Alive and well. pic.twitter.com/fjYAdMsBKI
— Project Akhmat (@ProjectAkhmat) December 11, 2022
Имаат огромни загуби“, рече Гајдај.
Набрзо во украинските медиуми се прошири информација дека во нападот е убиен и Мурад Саидов, еден од најблиските соработници на Кадиров. Станува збор за познат припадник на војската на Рамзан Кадиров, лидерот на Чеченија, а според некои информации и негов роднина.
Сепак, руската страна ги демантираше овие наводи, објавувајќи видео на кое се гледа Саидов. Не се знае кога е направена споменатата снимка, па засега е невозможно да се потврди што се случило со Саидов во Кадијевка.