Австралија денеска првпат по осум години го намали нивото на закана од тероризам од „веројатно“ на „можно“, истакнувајќи дека е „намален ризикот од екстремистички напади“.
Нивото на закана беше подигнато во 2014 година поради бројот на Австралијци за кои се претпоставуваше дека се борат во странство со исламистичките милитантни групи и веројатноста за терористички напади во кои би биле вклучени тие кои се радикализирале во Ирак или во Сирија.
Австралиската безбедносна разузнавачка организација (АСИО) соопшти дека факторите што довеле до високо ниво на закана повеќе не постојат или опстојуваат во помал степен.
– Иако Австралија останува потенцијална цел за терористите, има помалку екстремисти кои имаат намера да извршат напад во нашата земја, изјави генералниот директор на АСИО, Мајк Бриџис, додавајќи оти промена не значи дека исчезнале сите закани од тероризам.
Извор: МИА