Висок функционер за безбедност на Украина ја потврди смртта на иранските воени советници на Крим, пишува Sky News.
Извештаите во израелските медиуми велат дека 10 ирански државјани биле убиени во нападите на украинската армија на територијата окупирана од Русија во октомври. Олексеј Данилов, секретар на Советот за национална безбедност и одбрана на Украина, изјави за Гардијан дека иранските воени советници се убиени, но не кажа колку.
Данилов рече дека Иранците биле во Крим за да ги обучуваат руските сили за употреба на вооружени беспилотни летала Шахед-136, кои Техеран и ги доставувал на Москва. Тој предупреди дека ќе бидат убиени и сите други Иранци на окупираната украинска територија кои ја поддржуваат инвазијата. Не треба да бидеш таму каде што не треба“, рече Данилов.
„Тие беа на наша територија. Ние не ги поканивме овде, и ако соработуваат со терористи и учествуваат во уништувањето на нашата нација, ние мора да ги убиеме“, рече тој.
Техеран првично негираше дека и продавал ирански беспилотни летала на Русија, но подоцна тврдеше дека доставил „мал број“ беспилотни летала во Москва неколку месеци пред почетокот на инвазијата. Тој негира дека испратил ирански инструктори да им помогнат на руските сили на Крим.