Казахстанските власти денеска соопштија дека уапсиле седум лица кои подготвувале државен удар, пренесуваат француските меидуми.
Властите ова го соопштија неколку дена пред претседателските избори, а неколку месеци по протестите против поскапувањата на горивото, што избувнаа во јануари и во кои загинаа 238 лица.
Оттаму се наведува дека сите уапсени лица се симпатизери на прогонетиот банкар Мухтар Абљазов.
Претседателот Касим-Жомарт Токаев е кандидат за нов претседателски мандат на изборите закажани за в недела.
Седуммината уапсени се членови на „криминална организација која со месеци разговарале за плановите за организирање немири, за извршување државен удар и за прогласување привремена влада“, соопшти Казахстанскиот Комитет за национална безбедност (КНС).
Осомничените се симпатизери на Абљазов и ги делат неговите ставови, посочуваат од КНС.